A cooperativa educacional como ferramenta de integración de adolescentes con dificultades escolares: un modelo de aprendizaxe cooperativa

Resumo

A experiencia da cooperativa educacional amosou resultados positivos na consecución de habilidades básicas de relación e presenta potencialidades na diminución do fracaso escolar. A sección de medio ambiente da cooperativa educacional Terra de Trasancos constituíu un contexto formal complementario ó da aula. Nela a relación entre socios/as está regulamentada polos principios cooperativos e os estatutos sociais, e perde centralidade a avaliación do profesor en forma de nota, o que facilita a colaboración, a axuda mutua e a solidariedade.