Cooperativismo e participación: a ecoloxía social como proxecto de transformación en Andalucía Occidental

Resumo

fracaso da Reforma Agraria proposta en Andalucía radicaliza as reivindicacións en busca do equilibrio social, que irá nalgúns casos unido a un primeiro ecoloxismo: “ecoloxismo social” (moi cercano ó ecoloxismo definido por Martínez Alier coma “ecoloxismo dos pobres”). Chégase así á idea de equilibrio do ecosistema dende unha reivindicación do “equilibrio social” como necesario para frear a degradación que sofren os ecosistemas andaluces. Sen embargo, ese equilibrio non pode ser concebido cunha masa rural de 400.000 xornaleiros sen futuro... Xorden así neste contexto as primeiras cooperativas de xornaleiros a mediados dos 80 “á busca de terra”. Que se consegue de forma moi distinta: buscando cesións, ocupando, comprando. A posta en marcha das cooperativas La Verde (Villamartín), El Romeral (Antequera), a conexión co Instituto de Sociología y Estudios Campesinos (ISEC) e a vinculación das cooperativa a un mercado alternativo que fai necesaria a constitución de asociacións de consumidores de productos agroecolóxicos, empezan a concretar os piares básicos do que é a agroecoloxía como proxecto global en Andalucía Occidental.