Modernización económica versus conflitividade socioambiental: discursos a favor e en contra da Autopista del Atlántico (1976-1979)

Resumen

Nos primeiros anos da Transición á democracia, Galicia, ao igual que o resto de Estado, experimentou unha intensa conflitividade social. Un dos conflitos que acadou maior repercusión social, motivou intensos debates e ocupou a atención da opinión pública durante máis dun lustro, foi o provocado pola construción a Autopista del Atlántico. En este traballo analizamos este conflito socioambiental dende a perspectiva dos discursos e contradiscursos públicos que os diferentes actores involucrados elaboraron, das lóxicas argumentais subxacentes a este e, en definitiva, dos dous modelos de desenvolvemento económico e territorial confrontados que se estaban a propoñer para o futuro do país. Unha das principais aportacións da investigación reside na atención prestada á analise do discurso público dos diferentes actores (económicos, profesionais, sociais...) que se amosaron abertamente favorables á construción da Autopista, até o de agora, case sempre ausentes na escasa literatura disponible sobre o tema.