As primeiras ourensás ante o reto da educación universitaria (1900-1930) (I)

Resumo

O obxectivo deste artigo é coñecer como se incorporou a muller ourensá á educación superior despois de superar as dificultades educativas anteriores. Nela poderemos observar cando é o momento en que as mulleres galegas en xeral e as mulleres ourensás en particular irrompen na universidade, así como ver a porcentaxe de participación destas últimas respecto ás outras galegas. Outro tema que se aborda é a elección dos estudos, sinalando que as carreiras de carácter "feminino" son as máis demandadas.