Reflexións encol da actuación sociopolítica en Galicia dos emigrantes retornados de Cuba (1900-1936)

Resumo

As remesas da emigración galega en Cuba, o emprendemento económico e o activismo sindical e político dos habaneiros retornados a Galicia resultaron fundamentais para a modernización da sociedade rural e vilega no primeiro terzo do século pasado. Eses cubanos investiron en actividades económicas innovadoras e participaron na mobilización antiforal e anticaciquil das sociedades agrarias na década de 1910. Conservadurizáronse na seguinte e algúns deles acabaron apoiando a CEDA durante a Segunda República ou militando en Falanxe e asumindo postos de poder local durante a posguerra como demostran os resultados das microanálises realizadas en diversos concellos que se utilizan nesta achega.