PROXECTO SENTINELA. TÉCNICAS E PROCEDEMENTOS PARA O REXISTRO DO PATRIMONIO CULTURAL INMOBLE
Palabras clave:
Fotogrametría, Lidar, arqueoloxía, costa, conservaciónResumo
A presión humana e os eventos climáticos extremos son os principais factores de risco e degradación do patrimonio cultural inmoble. Esta erosión é especialmente notable nas zonas costeiras, debido aos cambios nas mareas, e por ser zonas cunha alta incidencia turística. O Parque Nacional Marítimo Terrestre das Illas Atlánticas de Galicia (PNMTIAG) constitúe un bo exemplo de ambas casuísticas, contando ademais cun importante patrimonio histórico, dentro dun entorno catalogado coma reserva da biosfera. O proxecto SENTINELA, financiado polo Ministerio para a Transición Ecolóxica e o Reto Demográfico (2023-2025), nace co obxectivo de monitorizar e rexistrar estes axentes de degradación, así como o seu impacto sobre o patrimonio cultural das illas do mencionado Parque. Para a súa consecución, deseñáronse diferentes protocolos de rexistro, adaptados á casuística (localización, tipoloxía, estado de conservación, etc.) de cada xacemento ou elemento histórico. Esta monitorización permitirá determinar a velocidade da degradación e o grado de afección que sofren, para establecer medidas correctoras que permitan preservar o patrimonio histórico dos arquipélagos. O presente artigo detalla as metodoloxías empregadas para este rexistro, así como as problemáticas xurdidas ao longo do proceso e os resultados acadados ata o de agora.
