Presentación

Resumo

Seguindo os obxectivos marcados polo grupo fundacional desta revista presentamos na primeira parte deste número tres artigos sobre a historia da traducción. O primeiro deles achéganos á lingua milenaria do pobo hebreo, que no último medio século traballou con éxito na súa normalización lingüística, promovida, entre outros, polos estudios traductolóxicos, nos que sobresaen Gideon Toury e Itamar Even-Zohar. A seguir ofrecemos, como homenaxe ó finado Profesor Filgueira Valverde, unha reedición do seu traballo "A traducción dos clásicos no Rexurdimento galego". Este artigo, que xa non era doado atopar, vai complementado coa entrega do Profesor Pociña da Universidade de Granada.