ANOTACIÓNS SOBRE O MODERNISM

Resumo

Este artigo pretende contribuír á discusión xeral entablada nestas páxinas introducindo o que nos países de fala inglesa é coñecido como modernism, e amosando as súas diferenzas co modernismo hispánico. Para isto abórdanse cinco puntos: a irreconciliabilidade entre modernism e modernismo; a reacción do modernism á súa época histórica; a diverxencia entre modernism e vangardas; a complexa relación entre modernism e cultura de masas; e, finalmente, o contraste entre a configuración máis canónica do modernism e outras posibilidades revisionistas.