Retórica de la entrevista periodística

Resumo

A rehabilitación da retórica que comezou a mediados do pasado século, da man de Perelman e OlbrechtsTyteca, principalmente, permitiu recuperar numerosos instrumentos para a análise —e elaboración— de textos xornalísticos. O presente artigo aborda, dende a perspectiva filosófica contida nesa nova retórica, aspectos fundamentais do xénero entrevista xornalística en prensa: conflito entre a oralidade e a escritura, figuras retóricas propias do xénero, a función da puntuación e o estatuto do diálogo. O artigo formula, por último, unha vindicación das tradicionais estratexias de cortesía como medio para facilitar o desenvolvemento da entrevista co personaxe.