Galicia perante os desafíos dos noventa

Resumo

Descríbese unha visión xeral das tendencias actuais do desenvolvemento rexional, ás que Galicia deberá adaptarse para poder acadar unha posición competitiva cara á implantación do Mercado Unico Europeo, a aparición de novos axentes do desenvolvemento rexional especialmente dos Institutos ou Axencias de Desenvolvemento Rexional organismos de promoción e fomento do devandito desenvolvemento. Para rematar, analízanse os métodos e resultados acadados por unha serie de Axencias de Desenvolvemento Rexional localizadas en rexións con características socioeconómicas semellantes ás de Galicia que poden servir de exemplo para o desenvolvemento do futuro Instituto Galego de Promoción Económica.