Inserción pola economía e economía social en Europa

Resumo

A medranza europea nos 20 últimos anos prodúcese con pouco aumento da ocupación e un desemprego que castiga ata a exclusión social ós colectivos febles, con eivas ou de difícil empregabilidade. As empresas de inserción viñeron sendo unha forma de inserción social pola economía. Son na súa maioría empresas de economía social, promovidas case sempre por instancias colectivas privadas (moi frecuentemente asociacións), con apoio público, social, empresarial e financeiro variable segundo os países. Moi frecuentemente sobreviven en condicións de precariedade económica a pesar da súa probada eficiencia. Neste artigo pásase revista e valórase a experiencia europea das empresas de inserción.