Guieiro de avaliación psicosocial para grupos en cursos de formación.

Resumo

Fócase a avaliación dun curso de formación en comprende-lo fondo problemático e dinámico da actividade avaliadora, antes ca limitarse a fornecer valoracións individuais descomprometidas coa realidade grupal. Isto xustifica unha formulación ó estilo de os integrantes dun grupo seren quen de xeraren información sobre o mesmo grupo e que esa información sexa avaliativa de que aconteceu. Importaríanos máis cós coñecementos tocados no curso, a forma de aprendizaxe activa que puideron practica-los membros do grupo, a calidade do traballo en grupo, da estructura de relacións, dos procesos de grupo e da atmósfera grupal.